Эх орондоо буцахаас өмнө дараах зүйлсийг анхаарч хийнэ үү.

（1）Оюутны дотор байр болон хувийн орон сууцаас гарах арга хэмжээ

Орон сууцны эзэн болоод үл хөдлөх хөрөнгө зуучлалын компанидаа байрнаас гарахаар төвөллөж буй өдрөө мэдэгдээрэй. Өрөөгөө цэвэрлэн, хэрэггүй зүйлсээ бүгдийг нь устгалд оруулаарай. Том хэмжээний овортой хог хаягдал болон гэр ахуйн цахилгаан хэрэгсэл (хөргөгч, зурагт гэх мэт) хаях аргачлалыг сайтар анхаараарай.
Таны амьдарч буй хот дүүрэг, баг тосгоны хог хаягдал устгах аргыг лавлаарай. Ус, газ, цахилгааны тухайд мөн тус тусын гэрээт компанидаа гарах өдрөө мэдэгдэж, гэрээгээр цуцлах шаардлагатай. Ус, халуун дулааны зардал, утасны төлбөр (ялангуяа олон улсын ярианы төлбөр)-ийн үлдэгдэлгүй байхаар тооцоолоорой.

（2） Хот дүүргийн захиргаатай хийх арга хэмжээ

① Шилжин нүүх журам

Шилжин нүүх мэдэгдэлээ өгөхөө мартвал, эх орондоо буцсаны дараагаар Бүх нийтийн эрүүл мэндийн даатгалын татвар зэрэг нэхэмжлэгдэх тохиолдол байдаг.

② Хувийн дугаар бүхий картаа буцаах

Эх орондоо буцаж, Японд эргэн ирэхээр төлөвлөөгүй хүн Хот дүүргийн захиргаандаа хувийн дугаар бүхий картаа буцаан тушаагаарай.

③ Бүх нийтийн эрүүл мэндийн даатгал, Үндэсний тэтгэврийн талаарх арга хэмжээ

Нутаг буцахын өмнө Бүх нийтийн эрүүл мэндийн даатгалын дэвтэрээ буцаан хураамжаа төлж барагдуулаарай.
Үндэсний тэтгэврийн даатгалд хамрагдсан тохиолдолд даатгалаас гарсан нэг удаагийн буцаан олголтын мөнгөн дүн нэхэмжлэх боломжтой.
*Даатгалаас гарсан нэг удаагийн буцаан олголтын мөнгө хүлээн авсан тохиолдолд нэг удаагийн буцаан олголтын мөнгө тооцох үндсэн хугацаа нь тэтгэврийн даатгалд хамрагдсан хугацаанд тооцогдохгүй болох тул анхаараарай.

（3）Бусад

Банкны данс болон гар утасны гэрээгээ цуцлаарай. Харин ус, цахилгаан, гар утас гэх мэт төлбөрүүд татагдахаас өмнө дансаа хаахгүй байхыг анхаарна уу.

*Төгссөний дараа богино хугацаагаар байх талаар Төгссөний дараагаар даруй оршин суух хугацаа дуусгавар болж нутаг буцах бэлтгэл хангахад богино хугацаагаар байх шаардлагатай тохиолдолд өөрт хамгийн ойрхон байрлах орон нутгийн гадаадын иргэн харьяатын газраас зөвлөгөө аваарай.
Орон нутгийн гадаадын иргэн харьяатын газрын холбоо барих хаягийн талаарх мэдээллийшг дараах хуудаснаас аваарай.

Орон нутгийн гадаадын иргэн харьяатын газар

Ажил олох үйл ажиллагааны талаар дараах хуудсаас харна уу.。

Япон дахь ажил эрхлэлт

Лавлагаа: Гадаадын иргэн харьяатын асуудал эрхэлсэн ерөнхий газар "Японд ажил олох хүсэлтэй гадаад оюутнууд та бүхэнд ( Гадаад оюутнууд ажилд орох үеийн оршин суух зөвшөөрлийн тухай танилцуулга)"

Их сургуулиа төгссөн та төгсөх хүртлээ ажлын байраа шийдээгүй, төгссөний дараагаар ч Японд ажилд хайх үйл ажиллагаагаа үргэлжлүүлэх хүсэлтэй тохиолдолд оршин суух зөвшөөрлөө "Тусгай үйл ажиллагаа" ангилал руу шилжүүлэх шаардлагатай.
Оршин суух хугацаа 6 сар байх бөгөөд журмын дагуу нэг удаа 6 сараар сунгахыг зөвшөөрдөг. Сунгахын тулд төгссөн сургууль зэргийн тодорхойлолт шаардлагатай байдаг тул сунгуулахыг хүсвэл сургуулиасаа зөвлөгөө аваарай. Оршин суух зөвшөөрлөө "Тусгай үйл ажиллагаа" болгон өөрчлөх талаар Орон нутгийн гадаад иргэн харьяатын газраас лавлан асуугаарай.

Лавлагаа: Гадаадын иргэн харьяатын асуудал эрхэлсэн ерөнхий газар "Тусгай үйл ажиллагаа 9"

Ажилд ороход оршин суух ангилал өөрчлөх тухай мэдээллийг дараах хуудаснаас авна уу.

Хөдөлмөр эрхлэлтийн талаар оршин суух ангилал өөрчлөх журам

Гадаад харилцааны яам нь нутаг буцсан гадаад оюутнуудаас бүрдэх "Японд төгсөгчдийн холбоо"-дод Хилийн чанад дахь Дипломат төлөөлөгчийн газраараа дамжуулан тус холбоодоос зохион байгуулах нөхөрсөг уулзалт зэрэг арга хэмжээг хэрэгжүүлэх, тус төгсөгчдийн холбоодын мэдээний товхимол, нэрсийн жагсаалт боловсруулахад шаардагдах зардлын дэмжлэг үзүүлдэг.
Танай улсад "Японд төгсөгчдийн холбоо" байдаг эсэх, тэрхүү холбооны холбоо барих хаягийг "Японд төгсөгчдийн холбоодын жагсаалт"-аас хараарай. Хэрэв "Японд төгсөгчдийн холбоо" байхгүй бөгөөд өөрсдөө үйл ажиллагаа явуулахыг хүсэж байгаа бол хамгийн ойрхон байх Дипломат төлөөлөгчийн газарт хандан зөвлөгөө аваарай.

Японд төгсөгчдийн холбоодын жагсаалт

Японы дээд боловсролын үнэлгээ мэдээллийн төв（NIC-Japan）-ийн вэб хуудсанд Японы дээд боловсролын тогтолцоо болон мэргэшлийн талаарх мэдээлэл түгээдэг тул лавлагаа болгон ашиглаарай.

Японы дээд боловсролын үнэлгээ мэдээллийн төв（NIC-Japan）