Япон Улсын Их дээд сургууль (Бакалаврын хөтөлбөр) болон Богино хугацааны дээд сургуулийн онцлог

Япон Улсын Их дээд сургууль, Богино хугацааны дээд сургуулийг өмчийн хэлбэрээс хамаарч Улсын, Орон нутгийн өмчит, хувийн хэвшлийн гэж ангилдаг.

Тооны хувьд Улсын 86, Орон нутгийн өмчит 101, Хувийн 620 Их дээд сургууль(бакалавр хөтөлбөр) байгаа бол Богино хугацааны дээд сургуулийн тухайд Орон нутгийн өмчит 14, хувийн хэвшлийн 295 сургууль сургалтын үйл ажиллагаа явуулж байна.

Улсын Их дээд сургуульд элсэн суралцахад элсэлтийн хураамж ба сургалтын төлбөрнийлээд дунджаар 820,000 орчим иен, орон нутгийн өмчит бол 930,000 иен, хувийн сургууль бол 1,100,000 иен (Энэхүү мөнгөн дүн анагаах ухаан, нүүр ам судлалын сургуульд хамаарахгүй).

Америкт жилийн сургалтын төлбөр 3,6-аас 4,9 сая иен(1 ам.долларыг 130 иенээр тооцов). Англид бол 1,8-аас 3,6 сая иен(1 фунтийг 150 иенээр тооцов). Иймд Японы дээд боловсролын сургалтын төлбөр Америк, Англитай харьцуулахад харьцангуй хямд гэж болох юм.

Япон Улсын Их дээд сургууль, Богино хугацааны дээд сургуулийн хичээл үндсэндээ Япон хэлээр явагддаг. Харин сүүлийн үед англи хэлээр дипломын боловсрол олгодог хөтөлбөртэй сургуулиуд гарч ирж байна.

Япон Улсын Их дээд сургууль, Богино хугацааны дээд сургуульд элсэн суралцахын тулд Япон хэлний мэдлэгийн төвшин N1, N2 эсвэл Япон Улсад суралцах хүсэлтэй гадаадын оюутнуудад зориулсан шалгалтын Япон хэлний шалгалтад 250 онооноос дээш оноо авсан байх шаардлагатай.

Элсэгчдэд тавигдах шалгуур

Япон Улсын Их дээд сургууль (Бакалаврын хөтөлбөр) болон Богино хугацааны дээд сургуульд элсэн сурагч дараах шалгууруудаас аль нэгийг хангасан байх ёстой. Үүнд

1. Ерөнхий боловсролын сургуульд 12 жил сурсан байх;
2. Гадаадын Японы ахлах сургуультай дүйцэхүйц сургууль (12 жилийн боловсролд хүрээгүй)-ийг төгссөний дараа заасан бэлтгэл сургалтын хөтөлбөр^*1-ийг дуусгасан байх;
3. Гадаадын Их, дээд сургуульд элсэн сурах олон улсын боловсролын сертификат IB (International Baccalaureate), Abitur, Baccalauréat, GCE(The General Certificate of Education) A-Level-ын аль нэгтэй байх;
4. Гадаадын 12 жилийн боловсролтой тэнцэхүйц мэдлэгийн төвшин тогтоох шалгалтад тэнцсэн 18-аас дээш насны иргэн (Боловсролын 12 жилд хүрэхгүй тохиолдолд тодорхой заасан бэлтгэл сургалтын хөтөлбөр эсвэл дадлага хийх хөтөлбөрийг дуусгасан байх шаардлагатай)
   ※ Тэнцсэн мэдлэгийн төвшин тогтоох шалгалтаа 12 жилийн боловсролтой тэнцэхүйц шалгалт эсэхийг тухайн улсын Элчин сайдын яамнаас тодруулаарай.
5. Өөрийн улсдаа ахлах сургууль төгссөн эсвэл 11-с дээш жилийн сургалттай ЕБС-г төгссөн байх
6. Япон Улсад гадаадын ахлах сургуультай тэнцэхүйц гэж заасан гадаад иргэдийн сургуулийг төгссөн байх (12 жилд хүрэхгүй тохиолдолд заасан бэлтгэл сургалтын хөтөлбөрийг дуусгасан байх шаардлагатай);
7. Япон Улсын ахлах сургуультай тэнцэхүйц гэж итгэмжлэгдсэн гадаад улсад үйл ажиллагаа явуулж буй боловсролын байгууллагын сургалтын хөтөлбөрийг дуусгасан байх;
8. Олон улсын үнэлгээний байгууллага (WASC, CIS (ECIS), ACSI, NEASC)-с магадлан итгэмжлэгдсэн сургуульд 12 жилийн бүрэн дунд боловсрол эзэмшсэн байх
9. Ахлах сургуулийн төгсөгчтэй дүйцэхүйц мэдлэгийн түвшинтэйг нотлох түвшин тогтоох шалгалтад тэнцсэн байх (18 хүрээгүй тохиолдолд 18 нас хүрсэн өдрийн дараа өдрөөс дээрх шалгалтад тэнцсэнд тооцно);
10. Тусгай хэрэгцээт боловсролын сургуулийн ахлах анги эсвэл техникийн коллежийн 3-р курсийг дүүргэсэн байх (12 жилийн албан боловсролыг дүүргэсэн);
11. Тодорхой мэргэжлийн сургуулийн ахлах ангийг төгссөн байх
12. Хуучин боловсролын тогтолцооны сургуулийг төгссөн байх;
13. Их дээд сургуульд элсэн суралцах нь тусгайлан зөвшөөрөгдсөн 18-аас дээш настай иргэн байх;

*Өөрийн тань хамрагдсан хөтөлбөр албан боловсролын сургалтын хөтөлбөр эсэх, хэдэн жилийн хөтөлбөр эсэх талаар Япон Улс дахь Элчин сайдын яамнаас тодруулаарай.

*1 Бэлтгэл сургалтын хөтөлбөр: Япон Улсын их, дээд сургуульд элсэн суралцахад 12 жилийн албан боловсролын хөтөлбөрийг дуусгасан байх шаардлагатай.
Гэвч зарим нэг улс, бүс нутагт боловсролын тогтолцоо нь 12 жил хүрэхгүй байх тохиолдол бий.
Энэ тохиолдолд Боловсрол, шинжлэх ухааны яамнаас баталсан "Их, дээд сургуульд элсэн суралцахад шаардлагатай бэлтгэл сургалтын хөтөлбөр"-ийг дуусгаснаар их, дээд сургуульд элсэн суралцах хүсэлт гаргах эрхтэй болно.

Элсэх хүсэлт гаргахад шаардлагатай баримт бичиг болон элсэлтийн шалгалт

Дараах баримт бичиг нь ерөнхийдөө шаардагдах ба тухайн сургуулиас хамаарч элсэх хүсэлт гаргахад шаардагдах баримт бичиг ялгаатай байна. Тийм учраас тухайн сургуулиасаа лавлаж тодруулаарай. Мөн япон хэл, англи хэлээр орчуулсан материал шаардагдах тохиолдол бий.

• Элсэх хүсэлт (Тухайн сургуулийн маягтаар)
• Ахлах сургуулийг төгссөн гэрчилгээ (төгсөх анги бол төгсөлтийг нотлох бичиг)
• Ахлах ангийн дүнгийн жагсаалт
• Ахлах сургуулийн захирал эсвэл багшийн тодорхойлолт
• Япон хэл, англи хэлний төвшин тогтоох шалгалтын тодорхойлолт
• Бусад

Ихэнх сургуулиуд гадаад оюутнуудад зориулж элсэлтийн шалгалтыг зохион байгуулдаг.
Баримт бичиг ба хэлний төвшин бататгах шалгалт, оюутантай хийх ярилцлагаас гадна Япон Улсад суралцах хүсэлтэй гадаадын оюутнуудад зориулсан шалгалт (EJU)-ыг өгсөн байхыг шаарддаг сургуулиуд бий.

"Их, дээд сургуульд хувийн зардлаар суралцахаар зорьж буй гадаадад оюутнуудад зориулсан элсэлтийн тухай мэдээлэл"

Бүх их, дээд сургуулийн элсэлтийн шалгалтын агуулга, шалгалтад тэнцэгсдийн тоо зэргийн чухал мэдээллийг багтаасан танилцуулга Редактор болон хэвлэж гаргасан: олон нийтийн ашгийн төлөөх байгууллага "Ази оюутнуудын соёлын нийгэмлэг"

• Япон Улсад ирж суралцах үйл ажиллагааг дэмжих нээлттэй мэдээллийн төв дээр танилцах боломжтой.