Японд сурахын давуу тал
Шинэ нээлт！ Нутаг бүс бүрээр харуулсан Японы амьдрал
Ishikawa
Бүс нутгийн тойм
Ишигава аймаг нь Кагахякүмангокүгийн түүх, уур амьсгал, ёс заншлын дунд бий болсон уламжлалт соёл урлаг, улирлын шинжтэй байгалийн гоо үзэсгэлэн, амар амгалан оршихуйг мэдрэх халуун рашаан, зочломтгой зан чанар, баян тансаг хоол хүнс, нутаг орны онцлогтой баяр наадмууд гэх мэт сэтгэл татах олон төрлийн зүйлс цогцолсон аймаг. 2015 оны 3-р сард Каназава хот Хокүрикү хурдан галт тэрэгний замд холбогдож, дотоод гадаадын олон жуулчдыг хүлээн авах болсон. "Аюулгүй байдал", "Дөхөм, ашигтай байдал", "Тав тухтай байдал", "Баялаг байдал"-ын индексээр 2019 онд "Амьдрахад амар ангилал"-д нэгээр бичигдсэн Хакүсан хотоос гадна тус аймгийн 7 хот эхний 20-р байрт оржээ.
※Энэ газрын зурагт газарзүйн онцлог, арлын бүс нутгийг товчлон оруулсан бөгөөд Японы нутаг дэвсгэрийг бүхэлд нь оруулаагүй болно.
Очих арга зам
- Онгоц ашиглах бол
-
Ишикава мужийн Ното бүсэд Ното нисэх онгоцны буудал байдаг.
Токиогоос
Ханэда нисэх онгоцны буудал
1 цагКомацү нисэх онгоцны буудал
- Шинкансэн эсвэл галт тэрэг ашиглах бол
-
Тус мужид шинкансэний Комацү өртөө бас байдаг.
Токиогоос
Токио өртөө
2 цаг 30 минутКаназава өртөө
Нутгийн иргэд санал болгож буй алдартай газрууд
Кэнрокүэн буюу Кэнрокү цэцэрлэгт хүрээлэн
Кэнрокүэн нь Мишелин ногоон лавлахаас тодорхойлсон гурван одтой Японы гурван алдартай цэцэрлэгт хүрээлэнгийн нэг. Кага улсын захирагч Маэдагийн цайзны туурийг цэцэрлэгт хүрээлэн болгосон нь Каназаважо коэн буюу Каназаважогийн цэцэрлэгт хүрээлэн юм. Жилийн дөрвөн улирлын өнгө төрхтэй танилцаж, жилийн тодорхой хугацаанд л тусгадаг гэрэлтүүлгийг заавал үзэх хэрэгтэй!
Чирихама нагиса жолоодлогын талбай
Чирихама нагиса жолоодлогын талбай нь Япондоо цорын ганц, далайн хаялга дээгүүр машин, унадаг дугуйны алинаар ч хамаагүй давхиж болох үнэхээр өвөрмөц далайн эрэг. Ялангуяа жаргаж буй нарыг харангаа машин жолоодох нь үнэхээр сэтгэл хөдөлгөм юм!
Нутгийн иргэд санал болгож буй хоол
-
Сүши
Ишигавагийн сүши нь "Зөвхөн үүгээр л бууж өгөхгүй", "Ганц үүгээр л бусдаас онцлогтой баймаар байна", "Хэнд ч ялагдахгүй" гэх өндөр бахархалтай хоолны газрын эзэн, тогооч хийдэг зоог юм. Кайтэн сүши буюу өөрөө эргэх сүшиний тухайд улсдаа дээгүүр орох амт чанартай.
-
Вагаши
Каназавагийн вагаши (Япон амттан) бол "Амтлах", "Үнэрлэх", "Хүрэлцэх", "Сонсох", "Үзэх"-ийн таван мэдрэхүйгээр мэдэрч болох амттан билээ. Таван мэдрэхүйгээр дээд цэгт нь тултал мэдэрч болох амттан бол цайны өрөөнд зочноо дайлах жоонамагаши юм. Каназавагийн ихэнх амттаны мухлагт жоонамагаши хийж худалдаалдаг.
Цаг агаар (Агаарын температур, хур тунадасын хэмжээ)
Нар тусах хувь бага Япон тэнгисийн уур амьсгалтай бөгөөд ялангуяа өвөл нь улирлын чанартай салхины улмаас агаарын температур бага, цас орох өдөр их байдаг. Кага бүс нутаг нь тэгш талдаа харьцангуй зөөлөн уур амьсгалтай боловч уулархаг хэсэгтээ өвөлдөө цас орох нь их байдаг. Ното бүс нутаг нь бусад Хокүрикүгийн хотуудтай харьцуулахад зун нь бага зэрэг сэрүүн бөгөөд өвөлдөө цас орох нь бага байдаг.
Сар тус бүрийн агаарын температур/Хур тунадасны хэмжээ
(Эх сурвалж: Японы цаг уурын агентлаг)
Үнэ өртөг
-
Байрны түрээсийн төлбөр
38,098 иен
-
Цахилгаан дулаан усны зардал
8,837 иен
-
Гадуур хооллох
(рамэн)
600 иен
-
Талх 1 кг
580 иен
-
Сүү 1 литр
301 иен
※ Эх сурвалж
- Байрны түрээс
Засгийн газрын статистикийн ерөнхий газар “Орон сууц, газрын статистикийн судалгаа: 2023 он”
Мужийн төв хот тус бүр дэх 29м2-аас доош талбай бүхий хувийн түрээсийн байшингийн (зориулалтын орон сууц) сарын дундаж түрээс (0 иений түрээсийг тооцохгүй) - Цахилгаан дулаан усны зардал
Засгийн газрын статистикийн ерөнхий газар “Өрхийн санхүүгийн судалгаа (Өрхийн орлого зарлага): 2023 он”
Мужийн төв хот тус бүрийн өрхийн “Цахилгаан дулаан, ус”-ны жилийн нийт зардлын дүнгээс сарын дунджийг тооцож, өрхийн гишүүдийн дундаж тоонд хувааж гаргасан нэг хүнд ноогдох зардлын хэмжээ - Гадуур хооллох (рамэн), талх 1 кг, сүү 1 литр
Засгийн газрын статистикийн ерөнхий газар “Жижиглэнгийн үнийн судалгаа (Чиг хандлага): 2024 оны 8 сар”
Хамаарал бүхий холбоос
Орон тус бүрээр эрэмбэлсэн гадаад оюутны тоо
Хятад
Непал
Индонез
Японы гадаад оюутны нийт тоо: 279,274 хүн
Ишикава мужийн гадаад оюутны нийт тоо: 2,179 хүн
2023 оны “Гадаад оюутнуудын төлөв байдлын судалгаа”-аас
Бүс нутгуудын их сургуулийн жагсаалт
Уг сайтын “Сургууль, мэргэжлийн салбарын мэдээллийн хайлт”-д мэдээллээ нийтэлсэн сургууль 9-өөс бага бол, сургуулийн нэрийг санамсаргүй дарааллаар нийтэлсэн болно. 10-аас дээш сургууль байгаа бол, уг хуудсанд жагсаахгүй ч, доорх “Сургууль, мэргэжлийн салбарын мэдээлэл рүү орж хайх” хэсгээс хайснаар сургуулийн жагсаалтыг харах боломжтой.